Wednesday, 22 March 2017

Best of Infotainment/Braingasm books

I repeatedly get requests to do a must read list. So here a list of books that I recommend based on a theme that is close to my heart. If you have read my "Made easy" articles you know what the theme is. In that series I take a technical or some sort of seemingly complex idea and try to attack it from an oversimplified but entertaining angle(often using my brand of weird humour) to make the subject easy to understand. It is meant to show that the subjects themselves are not dry,it is the pompous,jargon filled,pretentiously meandering, intellectual rubbish that people write that make them boring. That series is meant to pique your curiosity and make you want to read more.
I do believe that well-written non-fiction reads like the best fiction. I have compiled a list of books that manage to tickle your brain, enhance your knowledge, expand your mind without tempting you to commit suicide out of boredom. Here's my list of engaing infotainment/braingasm books:
Naked Economics by Charles Wheelan- Who would have imagined that a subject like Economics can be so fascinating and funny. It makes Economics not only understandable, but makes you turn the pages like a kid craving for ice-cream.
Guaranteed to make you go “Oh, I get it now!” many times.
Sapiens by Yuval Noah Harari - This Israeli author does the impossible: Make you refuse to put an anthropolgy book down as if you are reading a Dan Brown novel. The history of mankind, starting from the earliest hominids. Beautifully written, Engaging, easy to read and eye opening. Bonus point for explaing why an idea like patriotism is so key to our development.
A short history of nearly everything by Bill Bryson - A popular science book like no other. Nothing is dry when someone as witty as Bill Bryson approaches it. He has a delightful way with words. The book will engage and amuse you. He talks about Big bang, Particle physics, Geology, Newton, evolution of life on earth and such in an accessible and interesting manner. We get to see colourful characters and funny stories about the scientists behind the research and discoveries mentioned.
Stumbling on Happiness by Dan Gilbert - I will simply quote Mark Manson on this: Gilbert is a famous Harvard psychologist who has a knack for coming up with zany experiments that show just how flawed and biased the human mind is. Read This Book If…
…you enjoy Harvard professors who reference The Beatles in every chapter and make jokes about quadriplegics.
…you are interested in behavioral economics and irrational decision-making.
…you’ve always had a hunch that you are completely full of shit but would like 400 pages of psychological research to confirm it for you.
Plato and Platypus walk into a bar - If you think that philosophy is a subject meant only for those Kurta Pyjama wearing bearded intellectuals think again! Authors take a broad area of philosophy, take a famous idea and give a joke that illustrates the idea. One joke for one idea. This unique premise makes it charmingly funny and engaging.
Originals: How Non-Conformists Move the World by Adam Grant - This is the most insightful book I have read on how those creative Originals manage to be original. Grant tackles ideas at a fast, sometimes frenetic pace. Good research, engaging style and sharp insights make for a compelling read. - There is so much junk written in the name of Self help that when I read a book like this I feel like running to majestic busstand and distributing a copy of the book to everyone. I would give the same compliment for the book "Made to Stick" mentioned below.
Made to Stick by Chip and Dan Heath About why some ideas become popular and some don't. Written like a self help book. Authors give simple ideas pepper it with great reaearch providing a compelling case. It's a joy to read. "Switch : how to change things when change is hard" is another good book by the same authors.
Books by Malcolm Gladwell - I won't say much as he is already a very famous author. The tipping point, Outliers, David and Goliath, What the dog saw
Born Liars by Ian Leslie - An entire book about lying, wonderfully researched, Ian Leslie dissects the subject through the lens of law, psychology and culture. It's a thought provoking read. You probably didn't know that there are so many things you didn't know about something as simple as lying.
Curious by Ian Leslie - Similar to the book above. It is difficult to imagine that someone can write an entire book on curiosity. Informative and engrossing.
Into thin Air - An account of a team's climb to Himalayas. Author has a rare and dazzling gift to draw you into any story. Don't blame me if you feel like you would want to climb Mount Everest next weekend after reading this book.
Spy the Lie: Former CIA Officers Teach You How to Detect Deception. Drushyam movie had showed some of the techniques explained here but it still makes for an interesting read. Who wouldn't want to learn the art of lie detection from the people who used to do that for the CIA?
Killing Pablo by Mark Bowden - The story behind the chase and assassination of Pablo Escobar, the most elusive and powerful cocaine trafficker ever. There also is an excellent documentary based on the book.
The God Particle: If the Universe Is the Answer, What Is the Question? by Leon M. Lederman, Dick Teresi - Here is a Nobel prize winning scientist who writes like a Stand-up comedian. That should be reason enough to read it.
Situations matter by Sam Sommers - This one has a psychology professor exploring the power of context and by the time you finish reading it you will be convinced that you are not as objective as you think you are. An enjoyable guide on how to recognize social influences that shape behavior
48 laws of power - This one is a bit like a compilation of advice on how to use strategies/tactics and cunning to attain power by Chanakya/Machiavelli. Every idea is illustrated with interesing anecdotes.
India After Gandhi, by Ramchandra Guha - A very well researched modern history of India. A must read.
Freakonomics - a thoroughly engaging and surprisingly humorous book that tries to use economics to gain insights about many daily life observations, crime etc.
The Most Human Human: What Artificial Intelligence Teaches Us About Being Alive by Brian Christian - This one uses Artificial intelligence to understand human beings. The subject itself is so fascinating.
E=mc2: A Biography of the World's Most Famous Equation by David Bodanis - It does an exquisite job of using anecdotes and history to give a sense of what this equation really means. David Bodanis is a good storyteller and you will never feel like you are reading physics.
Technical Film and TV for Nontechnical People by Drew Campbell - A humourous introduction to nuts and bolts of film production. Very underrated, makes for a breezy read.
The last 3 are not books(though books have been published based on 2 of them):
Justice: What's The Right Thing To Do? A series of lectures by Professor Michael Sandel - This is a course that a professor taught in Harward. Jurisprudence is a very boring subject but Professor Sandel makes it so interesting and accessible that you might want to binge-watch. He uses the ideas of famous philosophers to define what ethics are and what justice really means. Who would have imagined that a classroom teaching video series would have a viral video type of view count on youtube. You will definitely wish that you had a teacher like that. Go to youtube and spend some time on this series. You will thank me later.
Better Explained blog by Kalid Azad - This guy thinks that the way Mathematics is taught in schools is wrong and uses an intuitive approach instead. He uses a commonsensical approach and tries to relate those dry formulae to real life making you go, "Wow! I had never realised that this mathematical idea is so simple". He has earned a great fan following and you will know why once you read his blog.
THE KAIPULLAI'S VETTI THOUGHTS: This guy used to write Cracked magazine type outrageously funny pieces on Indian history. Such a supercool approach to make something as boring as history come alive.
Some more notable books:
Influence: The Psychology of Persuasion by Robert Cialdini
The Black Swan and Fooled by Randomness by Nassim Nicholas Taleb
Predictably Irrational by Dan Ariely - Outstanding experimentally-driven analysis of human irrationality.
Phantoms in the brain by Dr. Ramchandran: If you are into psychology, neuroscience, AI, cognitive science or just plain curious about brain, this is the thing.
The Ascent of Money by Niall Ferguson - An accessible and entertaining book on the history of finance.
Negotiation Genius by Deepak Malhotra, Max H. Bazerman

ಅಡಿಗ ಬೇಂದ್ರೆ ಪದ್ಯಗಳ ಅಣಕು

ಇವತ್ತು ಸುಶೀಲ್ ಸಂದೀಪ್ ಬರೆದ ಭೈರಪ್ಪಾನುಕರಣೆ ಓದಿ ನನಗೂ ಸ್ಫೂರ್ತಿ ಉಕ್ಕುಕ್ಕಿ ಬಂತು. ಫೇಸ್ಬುಕ್ಕಿನ ಬಗ್ಗೆ ಒಂದಷ್ಟು ಜನ ಖ್ಯಾತನಾಮರು ಕವಿತೆಗಳನ್ನು ಬರೆದರೆ ಹೇಗೆ ಬರೆದಾರು ಅನ್ನುವ ತಲೆಹರಟೆಯ ಕಲ್ಪನೆ. ಅರ್ಜೆಂಟಿನಲ್ಲಿ ಗೀಚಿದ್ದರಿಂದ ನಾನು ಅಂದುಕೊಂಡ ಹಾಗೆ ಬರಲಿಲ್ಲ,ಹೊಟ್ಟೆಗೆ ಹಾಕಿಕೊಳ್ಳಿ.
ಮೊದಲಿಗೆ ಬೇಂದ್ರೆ ಅಜ್ಜ:
ಫೇಸ್ಬುಕ್ಕು ಬರಿಯಾಟs
ಎಲ್ಲಾ ಮಾಯೆಯ ಮಾಟs
ಹುಡುಗಿಯರ ಫೋಟೇನ ಮಾಟೇನs
ಚಿಂತಕರ ಥಾಟೇನs
ಹುಚ್ಚು ಹುಡುಗರ ಹುಡುಗಾಟೇನs
ಶೇರು ಮಾಡ್ತಾರಾs ಕಾಲ ಕಳೀತಾರs
meme ಕೋಟುಗಳs ತೇರೇ ಎಳೀತಾರs
ಇದ್ದವ್ರ ಬರೀತಾರ
ಇಲ್ದವ್ರು ಬರ್ತಾರ
ಹೋದವ್ರ ಬರ್ತಾರ
ಇದ್ದವ್ರ ಹೋಗ್ತಾರ ಬರ್ತಾರ
ಇದ್ದದ್ದು ಇಲ್ಲದ್ಯಾವ್ದೊ ಯಣ್ಣಾ
ಮಾತು ಹೆಂಗಾರ ಹೊಮ್ಮುತಾವ |
ಒಮ್ಮೊಮ್ಮಿ ಬಂಗಾರ ಚಿಮ್ಮತಾವ |
ಹ್ಯಾಂಗಾರೆ ಕುಣಿಕುಣಿದು
ಲೈಕೊತ್ತಿ ದಣಿದಣಿದು
ನಾನೂನು ಏಸೊಂದು ನಕ್ಕೇನs
ಈ ಫೇಸುಗಳ ಮಾಯೆಗೆ ಸಿಕ್ಕೇನs !

ಈಗ ಗೋಪಾಲ ಕೃಷ್ಣ ಅಡಿಗರ ಸರದಿ :
ಅನ್ಯರು ಜರೆದುದನೆ ನಾ ತೆರೆದು
ಬರೆದು ಕೊರೆದು ಬಿನ್ನಗಾಗಿದೆ ಮನವು.
ನನ್ನ ನ್ಯೂಸು ಫೀಡಿನ ತುಂಬೆಲ್ಲ
ಏನಾದರೂ ಮಾಡುತಿರುವ ತಮ್ಮಂದಿರು
ಅದೇ ಹಳಸಲು memeಗಳ ಬಾಲವಾಡಿಸುವ ಪ್ರೇತಾತ್ಮಗಳ ಗೆರಿಲ್ಲಾಪಡೆಯವರು
ತಮ್ಮ ಪರಾಕು ಪಂಪನ್ನು ತಾವೇ ಒತ್ತಿ ಒತ್ತಿ
ಸಪ್ತ ಸಾಗರದಾಚೆಯೆಲ್ಲೋ ಇರುವ ಸುಪ್ತ ಸಾಗರದಲ್ಲೂ
ಚರಂಡಿ ನೀರ ತುಂಬಿಸುವವರು
ಲೈಕುಗಳ ಡೊಗ್ಗುಸಲಾಮು ತೇಲಿಸುವವರು
ಈ ನರಕದಿಂದ ಅಂಬೆಗಾಲಿಟ್ಟು ತಲೆಕೆಳಗು ತೆವಳುತ್ತೇರಿ
ಫಲ ಬಿಟ್ಟ ಪೋಸ್ಟುಗಳ ವೃಂದಾವನಕೆ
ಕರೆಯುವ ಮೋಹನ ಮುರಲಿಗೆ ಕಾಯುತ್ತ
ಕೀ ಬೋರ್ಡನ್ನುಜ್ಜುತ್ತ ಕೂತಿದ್ದೇನೆ ಕತ್ತಲೊಳಗೆ

ತದನಂತರ ಯೋಗರಾಜ ಭಟ್ಟರಿಂದ ಕಡೆಯ ಕವಿತೆ :
ಫೇಸು ಬುಕ್ಕಿನ ತುಂಬೆಲ್ಲ
ಕಾಪಿ ಪೇಸ್ಟು ಮಾಡುತ್ತಾ
ಪೇಸ್ಟು ಹಾಕದೇ ಕಿರಿಯುವ ಪೋಲಿ ಹಲ್ಲುಗಳು
ತಲೆ ಬಾಚ್ಕಳ್ದೆ ಲೈಕು ಬಾಚ್ ಕೊಳೋಕೆ ಆಯ್ತದೆ
ಅಂತಾ ಹಳೇ ಡವ್ವಿನ ಹೊಸಾ ಫೋಟೋಗಳಲ್ಲಿ
ಅನ್ಯಾಯವಾಗಿ ಕಳೆದುಹೋದ ಹುಡುಗರು
ಹೊಸ ಕುಕ್ಕರಿನ ತುಂಬೆಲ್ಲ ಹಳೆ ಪಾತ್ರೆ ಇಟ್ಟರೂ ಬೇಯದ ಬೇಳೆಗಳು
ಪೋಸ್ಟು ಓದಿ ಉಗಿಯುವ ವೈಫು
ಲೈಕೇ ಬೀಳದ ಪೋಸ್ಟಿನಂಗೆ ಲೈಫು

AR Rahman's Instruments

A lot has already been written about how Rahman popularised ideas like "Sound engineering" and "layering". RGV had written an insightful piece on how Rahman sculpts sound. Not much has been written about Rahman's instruments however. And I am not going to write about it either! Saying that I am trained in classical music is a bit like saying that Kamaal R Khan has studied astrophysics, it is a true but useless thing. Hence I will just advise you that if you ever happen to come across some strange musical instrument in Egypt or Rwanda or Venezuela, don't say that you don't know the instrument. You might not have heard about it but there is a good chance that you have already heard it! Claiming that Rahman has already used that instrument in some song of his would be a safe bet ! It is then no wonder that legends like Naveen(Flute), Sivamani, Kadri, Santoor Seenu(Santoor, Harp, Mandolin etc. The word "etc" is important because this guy can play 20+ instruments), Prasanna(Guitar), Asad Khan(Sitar), Vishwamohan Bhatt(Mohan Veena),Ustad Sultan Khan(Sarangi) have worked with him and have great respect for him.
There are cases where he has used Guitar for a Carnatic Raga, Santoor like a Guitar, sound of the train like a percussion instrument, Sitar for beats and such. Someone qualified has to write about all that. Here is a compilation of some Rahman songs where some instruments did a rollicking good job of mesmerising us. The ones that stood out for me(Some are the ones where I could recognise the instruments some were collected from interviews, reviews, blogs etc):
Naveen's Flute - That mellifluous and heart melting theme of Bombay, Airtel tune
Chidi ya tu hoti to - Ghata and castanet
Urvasi Urvasi (Kaadhalan) – Sarangi and Jalra with the drums
En Veettu Thottathil (Gentleman) – Veene and Jaltarang.
Paakkaadhe (Gentleman), Anbae Idhu Nijam (Rhythm) – The violins
Ennavale (Kaadhalan) & Tanha Tanha (Rangeela) – Naveen’s flute and Mridanga
Tamate/Dafli - Ghanan Ghanan
Pachai Nirame (Alai Paayudhey) – Flute and violins.
Mitwa - Ektara, bass guitar, Bass drums, ghata, violin
Shehnai by Madhukar Dhumal - Yeh Jo Des Hai Tera
Munbe Vaa (Sillunu Oru Kaadhal) Chanchan from Water – The santoor
Masakkali (Delhi 6) – The accordion
Sitar - Mausam and Escape (Slumdog Millionaire) and Ta Taa Tai from Million dollar arm are my favourites. Kannamoochi from Kandukondain is also worth mentioning.
Rehna Tu (Delhi 6) – The continuum fingerboard
Masakkali - Congo drums and accordion
Saxophone by Kadri Gopalanath: Anjali anjali
Khalbali - Some Egyptian drum called darbuka by Hossam Ramzy. This guy's talent was put to much better use in Meenaxi, listen to Potter's village and Rang Hai songs.
Mohan Veena - Narumugaiye(Iruvar) also used in the 2nd interlude of Radha kaise na jale
Vidukadhaiya - Muthu - Tanpura
Mosquitos(Connections album) - Sarangi and Ghata
Tabla - Kehna hi kya, Arziyan(Delhi 6), Ay Sakhi(Raanjhana), Halla gulla(Bombay), Ay Hairathe(Guru)
Dolu/Dhol - Jiya Re Jiya(Connections album), Azeem O Shaan Shahenshah
Kurukku siruthavale(Mudhalavan) - Dholak, tabla, Sarangi
Tum tak - Taala(Manjira), tabla, Guitar
Jiya jale - Mridanga
Piano - Chanda Re from Sapnay, Roja theme, Worldspace Theme Song
Guitar - Aye Udi Udi, Yuhi hi chalaa from Swades,Desi Thoughts from Million Dollar Arm, July Matham(Prasanna)
Cyclist's rhythm in Meenaxi - Cycle bells with other percussion instruments!!
Some Chinese instrument called Yangqin - Ajooba (Jeans)
Kuchi Kuchi Rakkamma - Bulbul Tarang
Maya Machindra - Saz (Some Turkish instrument)
Please add your favourites.

ಮರ್ಯಾದೆ ತೆಗೆಯುವ ಕಲೆಯ ಬಗ್ಗೆ

ಒಮ್ಮೆ ಹೀಗಾಯಿತಂತೆ, ಪಾರ್ಟಿಯೊಂದರಲ್ಲಿ ಮಹಿಳೆಯೊಬ್ಬರಿಗೆ ಯಾರ ಮುಖ ಕಂಡರೆ ಆಗುತ್ತಿರಲಿಲ್ಲವೋ ಅವರೇ ಮುಖಾಮುಖಿಯಾದರಂತೆ. ಮೂದಲಿಸುವ ಚಟವೂ ತುರಿಕೆಯಂತದ್ದೇ ಆದ್ದರಿಂದ ಆಕೆ ಹೇಳಿದಳಂತೆ:
"ನೀನೇ ನನ್ನ ಗಂಡ ಆಗಿದ್ದರೆ, ನಿನಗೆ ಕಾಫಿಯಲ್ಲಿ ವಿಷ ಬೆರೆಸಿ ಕೊಡುತ್ತಿದ್ದೆ."
ಥಟ್ಟನೆ ಉತ್ತರ ಬಂತು, “ನೀನೇ ನನ್ನ ಹೆಂಡತಿ ಆಗಿದ್ದರೆ ಅದನ್ನು ಗಟಗಟನೆ ಕುಡಿದುಬಿಡುತ್ತಿದ್ದೆ"
ಈ ಜೋಕನ್ನು ಚರ್ಚಿಲ್ಲನ ತಲೆಗೆ ಕಟ್ಟುವವರಿದ್ದಾರೆ, ಆದರೆ ಅವನಿಗಿಂತಲೂ ಎಷ್ಟೋ ಮೊದಲು ಈ ಕಥೆ ಚಾಲ್ತಿಯಲ್ಲಿತ್ತು ಅಂತ ಹೇಳುತ್ತಾರೆ. ಈ ಎದಿರೇಟಿಗೆ ಕಕ್ಕಾಬಿಕ್ಕಿಯಾಗಿ ಆಕೆ ಒಂದು ಲೋಟ ವಿಷ ಗುಟುಕರಿಸಿ ಬಿಟ್ಟಿದ್ದರೂ ಇರಬಹುದು. ಇರಲಿ.
ಅಂತೂ ಹೀಗೆ ಟಾಂಗ್ ಕೊಡುವುದು ಕೂಡಾ ಒಂದು ಕಲಾಪ್ರಕಾರ ಅನ್ನಿಸುವಷ್ಟು ಕತೆಗಳು ಲಾಗಾಯ್ತಿನಿಂದಲೂ ಹರಿದಾಡುತ್ತಿವೆ. ಫೇಸ್ಬುಕ್ ನಲ್ಲೋ, ಟ್ವಿಟ್ಟರಿನಲ್ಲೋ ಜನ ಬಕೆಟುಗಟ್ಟಲೇ ಕೆಸರು ಎರಚಾಡಿಕೊಳ್ಳುವುದು ನೋಡಿ ಮಂಡೆಬಿಸಿಯಾದವರಿಗೆ ಕೆಸರನ್ನೂ ಪನ್ನೀರು ತಳಿದ ಹಾಗೆ ಸಿಂಪಡಿಸುವ ಚತುರಬುದ್ಧಿಯವರು ಸಿಕ್ಕಿದರೆ ತುಟಿ ಅರಳುತ್ತದೆ, ಮಂದಹಾಸ ಅನ್ನುವುದು ಪಕ್ಕದ ಬೀದಿಯಲ್ಲಿನ ಏಟಿಎಂ ನಲ್ಲಿ ಉದುರುವ ನೋಟಿನ ಹಾಗೆ ಮಿಂಚಿ ಮಾಯವಾಗುತ್ತದೆ! ಮರ್ಯಾದೆ ತೆಗೆಯುವ ಕಲೆಗೆ ಮರ್ಯಾದೆ ತಂದು ಕೊಟ್ಟವರು ಸುಮಾರು ಜನ ಇದ್ದಾರೆ. ಒಂದೊಂದು ಶಬ್ದವೂ ಈಟಿ , ಮಾತು ಸ್ಫಟಿಕದ ಶಲಾಕೆ ಅನ್ನುವ ಜಾತಿ ಇವರದು . ಇವರದ್ದೇನಿದ್ದರೂ ಮಾತಲ್ಲೇ ಮಲ್ಲಾಮಲ್ಲಿ, ಇವರದ್ದೇನು ನಾಲಗೆಯೇ ಅಥವಾ ವಾಟ್ಸ್ ಅಪ್ಪು ಫಾರ್ವರ್ಡ್ ಗಳನ್ನು ಹುಟ್ಟಿಸಿ ಬಿಸಾಡಿ ಹಲ್ಲು ಕಿರಿಯುವ ಯಂತ್ರವೇ ಅನ್ನಿಸಬೇಕು. ಅವಮಾನವನ್ನೂ ಸಮಾಜಸೇವೆ ಅಂದುಕೊಂಡು ಮಾಡುವ ಇಂತಹಾ ರಸಾಸ್ವಾದನ ಚತುರರ ಪಲುಕುಗಳನ್ನು ಮೆಲುಕು ಹಾಕಿ ಬರೋಣವಂತೆ.
ಇಂಗ್ಲೆಂಡಿನಲ್ಲಿ ಇಂತವರ ಒಂದು ದೊಡ್ಡ ದಂಡೇ ಇತ್ತು. ಪತ್ತೇದಾರಿ ಕತೆಗಳಿಂದ ಹಿಡಿದು ಪ್ರಬಂಧಗಳವರೆಗೆ ಎಲ್ಲ ಸಾಹಿತ್ಯ ಪ್ರಕಾರಗಳಲ್ಲೂ ಕೈಯಾಡಿಸಿದ್ದ ಜಿ ಕೆ ಚೆಸ್ಟರ್ಟನ್ ಕುಳ್ಳ, ಡುಮ್ಮಣ್ಣ. ಇವನ ಜೊತೆ ನಾಲಗೆಯಲ್ಲೇ ಕತ್ತಿವರಸೆ ಮಾಡುವುದಕ್ಕೆ ಹೇಳಿ ಮಾಡಿಸಿದ ಹಾಗಿದ್ದವನು ನಾಟಕಕಾರ ಬರ್ನಾರ್ಡ್ ಷಾ, ಇವನು ಸಪೂರ ಇದ್ದ ಕಡ್ಡಿ ಪೈಲ್ವಾನ್ . ಇಬ್ಬರೂ ಮಾತಿಗೆ ನಿಂತರೆ ಜಗ ಜಟ್ಟಿಗಳು. House of Lords ಅನ್ನುವುದು ಅಲ್ಲಿಯ ಸಂಸತ್ತು. ಅಲ್ಲಿ ಬರ್ನಾರ್ಡ್ ಷಾ ಒಂದು ಸರ್ತಿ ಆಗ ಬಂದಿದ್ದ ಬರದ ಬಗ್ಗೆ ಭೀಷಣ ಭಾಷಣ ಕುಟ್ಟಿದನಂತೆ, ಚೆಸ್ಟರ್ಟನ್ ಕೀಟಲೆ ಮಾಡುತ್ತ ಹೇಳಿದ, "ಇವರು ಇಷ್ಟೆಲ್ಲಾ ಬಡ್ಕೊಳ್ಳುವ ಅಗತ್ಯವೇ ಇರಲಿಲ್ಲ, ಇವರನ್ನ ನೋಡಿದರೇ ಗೊತ್ತಾಗ್ತದೆ ಇಲ್ಲಿ ಬರ ಬಂದಿದೆ ಅಂತ". ಬರ್ನಾರ್ಡ್ ಷಾ ಬಿಟ್ಟಾನೆಯೇ ? ಆ ಕಡೆಯಿಂದ ಬಾಣ ಬಂದೇ ಬಂತು, "ಮತ್ತು ಇವರನ್ನ ನೋಡಿದರೇ ಗೊತ್ತಾಗ್ತದೆ ಇಲ್ಲಿ ಬರ ಯಾಕೆ ಬಂದಿದೆ ಅಂತ". ಇನ್ನೊಂದು ಸರ್ತಿ ಕೆಂಡ ಕಾರುತ್ತಾ ಚೆಸ್ಟರ್ಟನ್ ಅಬ್ಬರಿಸಿದನಂತೆ, "ನಿನ್ನನ್ನ ಬಿಡ್ತೇನಾ ನಾನು, ನುಂಗಿ ಹಾಕ್ತೇನೆ", ಬರ್ನಾರ್ಡ್ ಷಾನ ಕಟಕಿ ಕೂಡಲೇ ಬಂತು, "ಹಾಗೆ ಮಾಡಿದರೆ ನಿಮ್ಮ ತಲೆಗಿಂತ ಜಾಸ್ತಿ ಮೆದುಳು ನಿಮ್ಮ ಹೊಟ್ಟೆಯಲ್ಲೇ ಇರುತ್ತದೆ ಬಿಡಿ".
ಮತ್ತೊಂದು ಸಲ ಈ ಚೆಸ್ಟರ್ಟನ್ ಒಂದು ಇಕ್ಕಟ್ಟಾದ ದಾರಿಯಲ್ಲಿ ಹೋಗುತ್ತಿದ್ದಾಗ ಒಬ್ಬ ಉದ್ಧಟ ಸಿಕ್ಕಿದನಂತೆ, ಕುಚೇಷ್ಟೆ ಮಾಡುತ್ತಾ, "ನಾನು ಮೂರ್ಖರಿಗೆ ದಾರಿ ಬಿಡುವುದಿಲ್ಲ" ಅಂದನಂತೆ. "ನಾನು ಬಿಡುತ್ತೇನೆ" ಅಂತ ತಣ್ಣಗೆ ಹೇಳಿ ಚೆಸ್ಟರ್ಟನ್ "ಹೆಂಗೆ" ಎಂಬಂತೆ ವ್ಯಂಗ್ಯದಿಂದ ನೋಡಿದನಂತೆ. ಬರ್ನಾರ್ಡ್ ಷಾ ಒಂದು ಸಲ ತನ್ನ ನಾಟಕದ ಎರಡು ಟಿಕೇಟು ಚರ್ಚಿಲ್ಲನಿಗೆ ಕಳಿಸಿ, "ಒಂದು ನಿಮಗೆ, ಇನ್ನೊಂದು ನಿಮ್ಮ ಗೆಳೆಯರಿಗೆ, if any" ಅಂತ ಚುಚ್ಚು ಸಾಲು ಬರೆದಿದ್ದನಂತೆ, ಪ್ರತ್ಯುತ್ಪನ್ನ ಮತಿಗೆ ಹೆಸರಾದ ಚರ್ಚಿಲ್ ಒಂದು ಉತ್ತರದ ಜೊತೆ ಟಿಕೇಟು ಮರಳಿಸಿದ್ದ, "ಮಾನ್ಯರೇ ಇವತ್ತು ನನಗೆ ನಿಮ್ಮ ನಾಟಕಕ್ಕೆ ಬರಲಾಗುವುದಿಲ್ಲ, ಎರಡನೇ ಪ್ರದರ್ಶನಕ್ಕೆ ಬರ್ತೇನೆ, if any".
 ಇಂಗ್ಲೆಂಡಿನದ್ದೇ ಮತ್ತೊಂದು: ಕತೆ, ಕಾದಂಬರಿ, ಪ್ರಬಂಧ ಎಲ್ಲ ಬರೆದು ಒಂದು ಮಟ್ಟಕ್ಕೆ ಬುದ್ದಿಜೀವಿ ಅನಿಸಿಕೊಂಡಿದ್ದ ಆಲ್ಡಸ್ ಹಕ್ಸ್ಲೀಯ ಬಗ್ಗೆ ಒಬ್ಬಾಕೆ ಹೇಳಿದ ವಕ್ರತುಂಡೋಕ್ತಿ : The stupid person's idea of a clever person. ಹರ್ಬರ್ಟ್ ಮಾರಿಸನ್ ಅನ್ನುವವರು ಒಮ್ಮೆ, "ಹಾಗೆ ನೋಡಿದರೆ ನನ್ನ ಅತ್ಯಂತ ಕೆಟ್ಟ ಶತ್ರು ನಾನೇ" ಎಂದುಸುರಿದರು, ಅಲ್ಲೇ ಇದ್ದ ಅವರ ವಿರೋಧಿಯೊಬ್ಬ, "ನನ್ನ ಕಡೆಯ ಉಸಿರಿರುವವರೆಗೂ ಅದು ಸಾಧ್ಯ ಇಲ್ಲ" ಅಂತ ಹೇಳಿ ಚಪ್ಪಾಳೆ ಗಿಟ್ಟಿಸಿಕೊಂಡನಂತೆ.
 ಒಬ್ಬರ ಜೋಕನ್ನು ಇನ್ನೊಬ್ಬರು ಎಗರಿಸಿ ಸ್ವಂತ ಜೋಕು ಅನ್ನುವಂತೆ ಹೇಳುವುದು ಮಾಮೂಲಿ. ಅದರ ಬಗ್ಗೆಯೂ ಒಂದು ಜೋಕು ಇದೆ. ಒಂದು ಪಾರ್ಟಿಯಲ್ಲಿ ಒಬ್ಬರು ಒಳ್ಳೆ ಬುದ್ಧಿ ಚಾತುರ್ಯ ಇರುವ ಚಟಾಕಿ ಹಾರಿಸಿದರಂತೆ , ಆಗ ಆಸ್ಕರ್ ವೈಲ್ಡ್, "I wish I had said that" ಅಂದನಂತೆ. ಪಟಕ್ಕನೆ ಬಂತು ಒಬ್ಬರ ಕಟಕಿ: You will, Oscar; You will !!
ಅಮೆರಿಕಾದವರೇನು ಕಡಮೆಯಲ್ಲ. Marc Connelly ಅನ್ನುವವರದ್ದು ಬೋಡು ತಲೆ, ಅದನ್ನು ಪರಿಹಾಸ ಮಾಡುತ್ತಾ ಒಬ್ಬರು, "ನಿಮ್ಮ ತಲೆ ನನ್ನ ಹೆಂಡತಿಯ ನಿತಂಬಗಳ ಹಾಗೆ ನುಣುಪಾಗಿದೆ", ಅಂದರಂತೆ. ಇವರು ತಲೆಯನ್ನು ಮುಟ್ಟಿ ಪರೀಕ್ಷೆ ಮಾಡಿದಂತೆ ನಟಿಸಿ, "ಹೌದೌದು, ಸರಿಯಾಗಿ ಹೇಳಿದಿರಿ" ಅಂದ ಮೇಲೆ ಎದುರಾಳಿ ಮತ್ತೆ ಉಸಿರೆತ್ತಿದ್ದು ವರದಿಯಾಗಿಲ್ಲ! ಕೂಗಾಡದೇ, ರೊಚ್ಚಿನಿಂದ ಹುಚ್ಚಾಗದೆ ಮಾತಲ್ಲೇ ಮಣ್ಣುಮುಕ್ಕಿಸುವುದು ಅಂದರೆ ಇದೇ.
ಇನ್ನು ಕಚಗುಳಿಯಿಡುವ ಲೇವಡಿಗಳಿಗೆ, ಗೇಲಿಗಳಿಗೆ ಲೆಕ್ಕ ಮಿತಿಯೇ ಇಲ್ಲ . ನಗೆಗಾರ ಫ್ರೆಡ್ ಅಲೆನ್ ಮಾಡಿದ ಲೇವಡಿ: ಹಾಲಿವುಡ್ಡಿನಲ್ಲಿರುವ ಅಷ್ಟೂ ಪ್ರಾಮಾಣಿಕತೆಯನ್ನು ಗಂಟು ಕಟ್ಟಿ ಒಂದು ನೊಣದ ಹೊಕ್ಕುಳಿನಲ್ಲಿ ಇಟ್ಟರೆ ಅಲ್ಲಿ ಇನ್ನೂ ಮೂರು ಜೀರಿಗೆ ಕಾಳು ಮತ್ತು ಒಬ್ಬ ನಿರ್ಮಾಪಕನ ಹೃದಯ ಇಡುವಷ್ಟು ಜಾಗ ಉಳಿದಿರುತ್ತದೆ. ಇನ್ನೊಬ್ಬರು ಮಾಡಿದ ಕಟಕಿ: ನಿಮ್ಮ ಮೆದುಳು ಡೈನಮೈಟ್ ಆಗಿದ್ದಿದ್ದರೆ ತೀರಾ ಟೊಪ್ಪಿ ಹಾರುವಷ್ಟು ಕೂಡಾ ಅದು ಇರಲಿಕ್ಕಿಲ್ಲ. ಮಾಜಿ ಅಧ್ಯಕ್ಷ ರೇಗನ್ ಅನ್ನು ಒಬ್ಬರು ರೇಗಿಸಿದ ಪರಿ ನೋಡಿ: ಜಿಮ್ಮಿ ಕಾರ್ಟರ್ನ ಎದುರು ನಿಂತರು ಅನ್ನುವ ಒಂದೇ ಒಂದು ಕಾರಣಕ್ಕೆ ಇವರು ಗೆದ್ದಿದ್ದಾರೆ, ಚುನಾವಣೆಗೆ ಇವರು ಒಬ್ಬರೇ ನಿಂತಿದ್ದರೆ ಇವರು ಸೋತಿರ್ತಾ ಇದ್ರು! ಅಡ್ಲಾಯ್ ಸ್ಟೀವೆನ್ಸನ್ ಒಂದು ಸಲ ವಿರೋಧ ಪಕ್ಷದವರನ್ನು ಅಣಕಿಸಿ ಹೇಳಿದ ಚಾಟೂಕ್ತಿ: ನೀವು ನಮ್ಮ ಪಕ್ಷದ ಬಗ್ಗೆ ಸುಳ್ಳು ಹೇಳುವುದನ್ನು ನಿಲ್ಲಿಸಿ, ನಾವು ನಿಮ್ಮ ಪಕ್ಷದ ಬಗ್ಗೆ ಸತ್ಯ ಹೇಳುವುದನ್ನು ನಿಲ್ಲಿಸುತ್ತೇವೆ.
Zsa Zsa Gabor ಅನ್ನುವ ಹಾಲಿವುಡ್ಡಿನ ಚೆಲುವೆಗೆ ಒಂಬತ್ತು ಮದುವೆಗಳಾಗಿತ್ತು. ಆಕೆಯ ಬಗ್ಗೆ ಜಾಕ್ ಪಾರ್ ಅನ್ನುವವರು ಹೇಳಿದ್ದು: ಇವಳು ಇನ್ನಾದರೂ ಒಂದು ಡಿವೋರ್ಸ್ ಅಂತ ತೆಗೆದುಕೊಂಡು ಜೀವನದಲ್ಲಿ ಸೆಟಲ್ ಆಗುವುದು ಒಳ್ಳೆಯದು! ತಪ್ಪು ಮಾಡದವ್ರ್ ಯಾರವ್ರೆ ಅನ್ನುವಂತೆ To err is Human ಅನ್ನುವ ಮಾತಿದೆ, ಅಲ್ಲಿನ ಮಾಜಿ ಅಧ್ಯಕ್ಷ ಟ್ರೂಮನ್ ರನ್ನು ಚುಚ್ಚಿ ಅದನ್ನೊಬ್ಬರು ಹೀಗೆ ತಿರುಚಿದ್ದಾರೆ: To err is Truman. ಮತ್ತೊಬ್ಬರ ಮೊನಚು ಹಾಸ್ಯ ಇನ್ನೂ ಮರ್ಮಕ್ಕೆ ನಾಟುವಂತಿದೆ: ನಾವು ಚಿಕ್ಕವರಾಗಿದ್ದಾಗ, ಸಮಾಜ ಪುಸ್ತಕದಲ್ಲಿ, ಯಾರು ಬೇಕಿದ್ದರೂ ಅಮೆರಿಕಾದ ಅಧ್ಯಕ್ಷರಾಗಬಹುದು ಅಂತ ಇತ್ತು. ಟ್ರೂಮನ್ರನ್ನ ನೋಡಿದರೆ ಅದು ನಿಜ ಅಂತ ಗೊತ್ತಾಗುತ್ತದೆ!!
ಬೇರೆ ದೇಶಗಳಲ್ಲಿ ಬಾಂಬು ಹಾಕುವ ರಾಜನೀತಿಯನ್ನು ಇಟ್ಟುಕೊಂಡು ಒಬ್ಬರು ಕುಟುಕಿದ್ದು: ನಮ್ಮ ದೇಶದಲ್ಲಿ ಹೈಸ್ಕೂಲು ಹುಡುಗರಿಗಿಂತ ಬಾಂಬುಗಳೇ ಜಾಸ್ತಿ ಚುರುಕಾಗಿವೆ, ಅವುಗಳಿಗೆ ಕುವೈಟ್ ಎಲ್ಲಿದೆ ಅಂತಾದರೂ ಗೊತ್ತಿದೆ.
ಭಯಂಕರ ಹಾಸ್ಯಪ್ರಜ್ಞೆ, ಚುರುಕು ಬುದ್ಧಿ ಮತ್ತು ಚುಚ್ಚು ಮಾತುಗಳಿಗೆ ಹೆಸರಾಗಿದ್ದ ಮಹಾ ಖಿಲಾಡಿ ಮನುಷ್ಯ ಗ್ರೂಚೊ ಮಾರ್ಕ್ಸ್. ನಾನು ಒಬ್ಬ ಮಾರ್ಕ್ಸ್ ವಾದಿ, ಗ್ರೂಚೊ ಮಾರ್ಕ್ಸ್ ವಾದಿ ಅಂತ ಅವನ ಅಭಿಮಾನಿಗಳ ಚತುರೋಕ್ತಿ ಇದೆ. ಈತ ಹೇಳಿದ್ದು: He may look like an idiot and talk like an Idiot, but don't let that fool you . He really is an idiot. ಅವನದ್ದೇ ಇನ್ನೊಂದು ಚತುರೋಕ್ತಿ: ಈಕೆಗೆ ಅವಳ ಚೆಲುವು, ಮೈಮಾಟ ಎಲ್ಲ ಬಂದದ್ದು ಅವಳ ಅಪ್ಪನಿಂದಲೇ, ಅವಳ ಅಪ್ಪ ಪ್ಲಾಸ್ಟಿಕ್ ಸರ್ಜನ್ ಆಗಿದ್ದಾರೆ!
ಇದು ನಮ್ಮಲ್ಲೂ ಇದೆ. ಬೇಂದ್ರೆ, ಬೀಚಿ ಇವರೆಲ್ಲ ತೀಕ್ಷ್ಣವಾದ ವ್ಯಂಗ್ಯ ಮಾಡಿದವರೇ. ಸದ್ಯಕ್ಕೆ ಇರುವವರಲ್ಲಿ ರವಿ ಬೆಳಗೆರೆ ಮತ್ತು ಚಂಪಾ ಅವಮಾನ, ಗೇಲಿ ಮಾಡುವುದರಲ್ಲಿ ಸಿದ್ಧಹಸ್ತರು ಅನ್ನಬಹುದು. ಸಂಕ್ರಮಣದಲ್ಲಿ ಗೇಲಿ,ತಮಾಷೆ , ಅಪಹಾಸ್ಯ, ವ್ಯಂಗ್ಯ, ಕುಟುಕು ತುಂಬಿದ ಬರಹಗಳ ರಾಶಿಯನ್ನೇ ಚಂಪಾ ಗೀಚಿದ್ದಾರೆ. ಒಂದು ಬಂಡೆ ಕಲ್ಲು ಕೊಟ್ಟರೆ ಆ ಕಲ್ಲಿನ ಬಗ್ಗೆಯೂ ಕೊಂಕು ತೆಗೆದು ಗೇಲಿ ಮಾಡಿ , ಜಗಳ ಮಾಡೋ ಅಷ್ಟು ಜಗಳಗಂಟ ಚಂಪಾ ಅನ್ನಬಹುದು, ಇದು ಲಂಕೇಶರಿಗೂ ಸಲ್ಲಬಹುದಾದ ಮಾತು. ಚಂಪಾ ಅಂತೂ ಕುತ್ಸಿತ ಟೀಕೆ ಮಾಡುವುದು ತನ್ನ ಜನ್ಮಸಿದ್ಧ ಹಕ್ಕು ಎಂಬಂತೆ ಮಾಡಿದವರು. ದೇವನೂರ ಮಹಾದೇವರ ಕಾದಂಬರಿಯೊಂದು ಸುಲಭಕ್ಕೆ ಅರ್ಥವಾಗದ ಹಳ್ಳಿ ಭಾಷೆಯಲ್ಲಿತ್ತು. ಪೋಲಂಕಿ ರಾಮಮೂರ್ತಿ ಅದನ್ನು ಇಂಗ್ಲಿಷಿಗೆ ಅನುವಾದ ಮಾಡಹೊರಟಾಗ ಚಂಪಾ ಹೇಳಿದ್ದು: ಅದನ್ನ ಮೊದಲು ಕನ್ನಡಕ್ಕೆ ಅನುವಾದ ಮಾಡ್ರಪಾ.
ಅಡಿಗರು ಒಂದು ಜನಾಂಗದ ಕಣ್ಣು ತೆರೆಸಿದ ಕವಿ ಅಂತ ಲಂಕೇಶರು ಹೇಳಿದ್ದನ್ನು ಚಂಪಾ ತಿರುಗಿಸಿದ್ದು ಹೀಗೆ : ಅದು ನಿಜವೇ. ಅವರು ತೆರೆಸಿದ್ದು ಒಂದೇ ಕಣ್ಣನ್ನು. ಧರ್ಮಸ್ಥಳದಲ್ಲಿ ಅಡಿಗರ ಅಧ್ಯಕ್ಷತೆಯಲ್ಲಿ ಆಗುತ್ತಿದ್ದ ಒಂದು ಸಾಹಿತ್ಯ ಸಮ್ಮೇಳನದ ವಿರುದ್ಧ ಬಂಡಾಯದ ಬಾವುಟ ಹಾರಿಸಿ ಇವರೆಲ್ಲ ಸೇರಿ ಪರ್ಯಾಯ ಸಮ್ಮೇಳನ ಅಂತ ಮಾಡಿದ್ದರಂತೆ. ಧರ್ಮಸ್ಥಳದಲ್ಲಿ ಬಿ. ಕೃಷ್ಣಪ್ಪ ಅನ್ನುವವರು "ದಲಿತ ಸಾಹಿತ್ಯ ಮತ್ತು ಇತರ ಒಲವುಗಳು" ಅನ್ನುವ ವಿಷಯದ ಬಗ್ಗೆ ಮಾತಾಡಬೇಕಿತ್ತಂತೆ, ಅವರು ಅದನ್ನು ಬಿಟ್ಟು ಪರ್ಯಾಯ ಸಮ್ಮೇಳನಕ್ಕೆ ಬಂದದ್ದರ ಬಗ್ಗೆ ಚಂಪಾ ಹೇಳಿದ್ದು : ಅಲ್ಲಿ ನಡೆಯಲಿರುವುದು ಈಗ ಬಹುಷಃ "ಇತರ ಒಲವುಗಳು" ಎಂಬ ಗೋಷ್ಠಿ ಮಾತ್ರ!
ಅಡಿಗರನ್ನು ತಾವು ಛೇಡಿಸಿದ್ದರ ಬಗ್ಗೆ ಬರೆಯುತ್ತಾ ಹೇಳಿದ್ದು : ಎಲ್ಲರೊಂದಿಗೆ ಅಡಿಗರೂ ನಕ್ಕರು, ಅದೇ ಮುಗ್ಧ ನಗೆ. ಎಷ್ಟೇ ಭಿನ್ನಮತಗಳಿದ್ದರೂ ಇಂತಹ ಆತ್ಮೀಯತೆಯನ್ನು ಮಾತ್ರ ಅವರು ತೊರೆಯಲಿಲ್ಲ. ಬೇಂದ್ರೆ ಹಾಗೆ, 'ನಿನ್ನ ಕಡೀತೇನಿ, ನಿನ್ನ ಬಡೀತೇನಿ' ಎನ್ನುತ್ತಿರಲಿಲ್ಲ. ಅಂಥ ಕೆಲಸವನ್ನು ಬಹಳ ಸೂಕ್ಷ್ಮವಾಗಿ ತಮ್ಮ ವಿಮರ್ಶಕ ಬಂಟರಿಂದ ಮಾಡಿಸುತ್ತಿದ್ದರು.
ಕಂಬಾರರ ಬಗ್ಗೆ ಚಂಪಾ ಚೇಷ್ಟೆ : ನಮ್ಮ ಕುಶಲಕರ್ಮಿ ಕಂಬಾರನಂತೂ ಮಹಾ ಚಾಣಾಕ್ಷ : ಹೊಳೆಯಲ್ಲಿ ಮುಳುಗಿದ ಎಮ್ಮೆಯ ಹಾಗೆ. ಅದರ ಕೋಡು ಮೇಲೆ ಕಂಡಾಗಲೇ ಅದರ 'ಸಾಧನೆ' ನಮಗೆ ಗೊತ್ತಾಗುವುದು!
ಕಾರ್ನಾಡರಿಗೆ ಕನ್ನಡ ಬರುವುದಿಲ್ಲ ಅಂತಲೂ ಇವರು ಲೇವಡಿ ಮಾಡಿದ್ದಾರೆ. ಯಯಾತಿ, ತುಘಲಕ್, ಹಯವದನಗಳ ಭಾಷೆಯ ಬಗ್ಗೆ 'ಇತಿಹಾಸ, ಪುರಾಣ ವಸ್ತುವಾಗಿದ್ದಾಗ ಭಾಷೆ ತಟಸ್ಥವಾಗಿರಬೇಕು' ಅನ್ನುವ ನಿಲುವು ಕೀರ್ತಿನಾಥ ಕುರ್ತಕೋಟಿ ಅವರದ್ದು. ಚಂಪಾರ ಕುಟುಕು ಹೀಗೆ : ಅವರ 'ತಟಸ್ಥ'ಕ್ಕೆ ನಮ್ಮ ಅರ್ಥ; 'ಮೃತ'!
ಕಾರ್ನಾಡರ ಕನ್ನಡವನ್ನು ಛೇಡಿಸಿ ಹದಿನೈದು ಸಾಲುಗಳ ಒಂದು ನಾಟಕವನ್ನೂ ಚಂಪಾ ಗೀಚಿದ್ದಾರೆ:
ಶಾಂತಿನಾಥ ದೇಸಾಯಿ :ಕನ್ನಡ ನಾಟಕಕ್ಕೆ ಭವಿಷ್ಯವೇ ಇಲ್ಲ ಅಂತೀರಾ ಕಾರ್ನಾಡರೇ ?
ಕಾರ್ನಾಡ್ : ಹಾಗೇನೂ ಇಲ್ಲ . ಒಬ್ಬನು ಒಬ್ಬನ ಹೃದಯ ಕಳೆದುಕೊಳ್ಳುವ ಅಗತ್ಯವಿಲ್ಲ .
ಶಾಂತಿ : ಒಬ್ಬನು ಒಬ್ಬನ .... ಅಂದರೇನ್ರಿ ?
ಕಾರ್ನಾಡ್ : One need not lose one's heart.
ಶಾಂತಿ : ಓಹೋ !
ಕಾರ್ನಾಡ್ : ಒಂದು ಹೊರಗೆ ಹೋಗುವ ದಾರಿ ಇದೆ(ದೇಸಾಯಿ ಹೊರಗೆ ನೋಡುವರು.) ಅಂದರೆ there is a way out
(ಇಷ್ಟರಲ್ಲಿ ಚಂಪಾ ಬಿಕ್ಕಿ ಬಿಕ್ಕಿ ಅಳತೊಡಗುತ್ತಾರೆ. ದೇಸಾಯರು ಚಾಳೀಸು ಬದಲು ಮಾಡಿ ಕರಚೀಪು ಹೊರ ತೆಗೆಯುತ್ತಾರೆ)
ಕಾರ್ನಾಡ್ : ಪಾಟೀಲರೆ ಏನು ಇದು ? ನೀವು ಕಣ್ಣೀರಿನೊಳಗೆ ಇದ್ದೀರಲ್ಲ ? You are in tears.
ಹೀಗೆ ಸಾಗುತ್ತದೆ !!
ಚಂಪಾ “ಲೇಖಕರ ವಿಳಾಸಗಳು” ಅನ್ನುವ ಪುಸ್ತಕ ತರಹೊರಟಾಗ ರವಿ ಬೆಳಗೆರೆ ಹೇಳಿದ್ದು: ಲೇಖಕರ ವಿಳಾಸಗಳು ಯಾರಿಗ್ರೀ ಬೇಕು ? ತರೋದಾದರೆ “ಲೇಖಕರ ವಿಲಾಸಗಳು” ಅನ್ನೋ ಪುಸ್ತಕ ತನ್ನಿ. ಶರಂಪರ ಜಗಳ ಆಡಿಕೊಂಡಾಗ ಬೆಳೆಗೆರೆ ಚಂಪಾರನ್ನ ಝಾಡಿಸಿದ್ದು ಹೀಗೆ : ಮುಟ್ಟು ನಿಂತ ಲೇಖಕ, ಗೊಡ್ಡು ವಿಮರ್ಶಕ. ಚಂಪಾ ಚೇಳಿನ ತರ ಕುಟುಕದೆ ಇದ್ದರೆ ಅದಕ್ಕೆ ಜೀವ ಇರೋದಿಲ್ಲ ಅಂತ ಅನಂತಮೂರ್ತಿ ಒಂದು ಸಲ ಹೇಳಿದ್ದೂ ಸುದ್ದಿ ಆಯಿತು.
ಲಂಕೇಶ್ ಎಷ್ಟೋ ಸಲ ತೀರಾ ಸಜ್ಜನರು ಅನ್ನಿಸಿಕೊಂಡವರನ್ನೂ ಬಿಡದೆ ಚುಚ್ಚಿ, ಛೇಡಿಸಿ ಬರೀತಾ ಇದ್ದರು, ಹೀಗಾಗಿ ಗೆಳೆಯರಾಗಿದ್ದವರು ದೂರ ಆಗುತ್ತಿದ್ದರು. ಇದರ ಬಗ್ಗೆ ಕತೆಗಾರ, ಪತ್ರಕರ್ತ ಜಿ ಎಸ್ ಸದಾಶಿವ ಹೇಳಿದ್ದು : ಲಂಕೇಶ್ ವಿಧಾನ ಪರಿಷತ್ ಇದ್ದ ಹಾಗೆ. ಪ್ರತಿ ಎರಡು ವರ್ಷಕ್ಕೊಮ್ಮೆ ಅವರ ಗೆಳೆಯರ ಬಳಗದಿಂದ ಮೂರನೇ ಎರಡರಷ್ಟು ಜನ ನಿವೃತ್ತರಾಗುತ್ತಾರೆ. ಬಿವಿ ವೈಕುಂಠರಾಜು ಈ ಬಗ್ಗೆ ಹೇಳಿದ್ದು : ಸ್ಕಾಟ್ಲೆಂಡಿನ ಹಾವುಗಳು ಅನ್ನುವ ವಿಷಯದ ಬಗ್ಗೆ ಪಿ ಎಚ್ ಡಿ ಪ್ರಬಂಧ ಬರೆಯಹೊರಟವನು ಕಡೆಗೆ ಒಂದೇ ವಾಕ್ಯ ಬರೆದನಂತೆ: ಸ್ಕಾಟ್ಲೆಂಡಿನಲ್ಲಿ ಹಾವುಗಳಿಲ್ಲ. ಲಂಕೇಶರ ಗೆಳೆಯರ ಬಗ್ಗೆ ಬರೆಯಹೊರಟವರೂ ಹಾಗೇ ಒಂದೇ ವಾಕ್ಯ ಹೇಳಬೇಕಾಗಬಹುದು : ಲಂಕೇಶರಿಗೆ ಖಾಯಂ ಗೆಳೆಯರಿಲ್ಲ.
ಪ್ರಶ್ನೋತ್ತರಗಳ ಅಂಕಣಗಳಲ್ಲಿಯೂ ಇದಕ್ಕೆ ಆಸ್ಪದ ಇರುತ್ತದೆ. ಉತ್ತರಭೂಪದಿಂದ ಒಂದು ಬೀchi ಕೋಟು : ಸಾಹಿತ್ಯ ಸೇವೆ ಮಾಡುವ ಬಗೆ ಎಂತು ? ತುಂಬ ಸುಲಭ -- ಕೊಂಡು ಓದಬೇಕು. ಬರೆಯಬಾರದು. ಶಾಂತಿಪ್ರಿಯರಾದ ನಾವು ಯುದ್ಧ ಏಕೆ ಮಾಡಿದ್ದೇವೆ ? ಎಲ್ಲ ಯುದ್ಧಗಳು ಜರುಗುವುದೂ ಶಾಂತಿಗಾಗಿಯೇ ಅಲ್ಲವೇ ? ಶಾಂತಿ ಬೇಕೆಂದಾಗಲೆಲ್ಲ ಯುದ್ಧ ಮಾಡಿದ್ದೇವೆ. ಎರಡು ಯುದ್ಧದ ಮಧ್ಯದ ಇಂಟರ್ವಲ್ ಗೆ ಶಾಂತಿ ಎಂದು ಹೆಸರು.
ರವಿ ಬೆಳಗೆರೆ ಅಂತೂ ಕೇಳಿ ಅಂಕಣವನ್ನ ಕಾಲೆಳೆಯಲಿಕ್ಕೆ, ಮರ್ಯಾದೆ ತೆಗೆಯುವುದಕ್ಕೇ ಮುಡಿಪಾಗಿ ಇಟ್ಟಿದ್ದಾರೆ, ಕಲ್ಪಕತೆ, ಕುಚೇಷ್ಟೆ, ತುಂಟತನಗಳೆಲ್ಲ ಬೆರೆತು ಪೈನಾಪಲ್ ಪುಡ್ಡಿಂಗಿನ ಹಾಗೆ ಅವು ಮಜಾ ಕೊಟ್ಟಿವೆ. ಕೆಲವು ನನಗೆ ನೆನಪಿರುವವು :
ರಾಕ್ ಲೈನ್ ಗೆ ಯಾಕೆ ಧೀರ ಅನ್ನುತ್ತಾರೆ ? ಸದ್ಯಕ್ಕೆ ಹ್ಯಾಗಿದೀರ ಅನ್ನುವಂತಾಗಿದೆ. ಆಕೆ ನನ್ನ ಮೇಲೆ ಗೂಬೆ ಕೂರಿಸುತ್ತಿದ್ದಾಳಲ್ಲ ? ಒಂದರ ಮೇಲೊಂದು! ಮಾತಾಡುತ್ತಾ ಉಗುರು ಕಚ್ಚುತ್ತಾನಲ್ಲಾ ? ಉಗುರು ಯಾರದು, ಕೈ ಬೆರಳಿನದಾ ಅಲ್ಲವಾ, ಪ್ರಶ್ನೆ ಸ್ಪಷ್ಟವಿರಲಿ!
ಭಾಷೆ ಎಂಬುದೇ ಇಲ್ಲದೆ ಹೋಗಿದ್ದರೆ ? ಹೆಗಡೆಯನ್ನು ಮಿತ್ರದ್ರೋಹಿ ಅನ್ನಲು ದೇವೇಗೌಡ ಅದೆಷ್ಟು ಸಂಜ್ಞೆ ಮಾಡ್ತಿದ್ರೋ!! ಗೌಡರು ಬಾಲ್ಯದಲ್ಲಿ ಅಂಥ ತುಂಟರೇನಾಗಿರಲಿಲ್ಲವಂತಲ್ಲ? ’ಅವರು ಹುಟ್ಟಿದ್ದೇ ವಯಸ್ಸಾದ ಮೇಲೆ’ ಎಂಬ ವಾದವೊಂದಿದೆ. ಅವಳಿಗೆ ಎಲ್ಲವನ್ನೂ ಬಿಡಿಸಿ ಹೇಳಬೇಕಾ ? ಕೆಲವನ್ನು ಹೇಳಿದರೆ ಸಾಕು, ಅವಳೇ ಬಿಡಿಸುತ್ತಾಳೆ, ಉದಾ: ಗ್ರಹಚಾರ.
ಉದಯ ಮರಕಿಣಿ ಮತ್ತು ಜೋಗಿ ಯಾರಿಗೂ ಜಾಸ್ತಿ ನೋವಾಗದಂತೆ ವ್ಯಂಗ್ಯ, ಕೀಟಲೆ ಮಾಡುತ್ತಾರೆ. ಅಂತದ್ದೇ ಒಂದು, ಸಂಭಾಷಣೆಕಾರ ಎಂ ಎಸ್ ರಮೇಶ್ ನಿರ್ದೇಶಿಸಿದ್ದ ಆದಿತ್ಯ ಚಿತ್ರದ ಬಗ್ಗೆ ಪರಮೇಶ್ವರ ಗುಂಡ್ಕಲ್ ಬರೆದ ಸಾಲುಗಳು : ನಿರ್ದೇಶಕ ರಮೇಶರನ್ನು ಸಂಭಾಷಣೆಕಾರ ರಮೇಶ್ ಒಂದು ಇನಿಂಗ್ಸ್ ಮತ್ತು ಎಷ್ಟೋ ಸಂಭಾಷಣೆಗಳ ಅಂತರದಿಂದ ಸೋಲಿಸಿದ್ದಾರೆ. ಇದರಲ್ಲಿ ಹೊಗಳಿಕೆ, ತೆಗಳಿಕೆ, ವಿಮರ್ಶೆ, ಉಕ್ತಿ ಚಮತ್ಕಾರ ಎಲ್ಲ ಇದೆ, ಜೋಗಿ ಮತ್ತು ಉದಯ ಮರಕಿಣಿಯವರ ವಿಮರ್ಶೆಗಳಲ್ಲಿ,ಬರೆಹಗಳಲ್ಲಿ ಇಂತವು ಎಷ್ಟಿವೆಯೋ. ಎಷ್ಟೋ ಕತೆಗಳು, ಭಾಷಣಗಳು ಮತ್ತು ಚಿತ್ರಗಳ ವಿಮರ್ಶೆಯೇ ಆಗಬಹುದಾಗಿದ್ದ ಮಾತುಗಳು ಬೀchi ಅವರ ಈ ಸಾಲುಗಳಲ್ಲಿ ಇವೆ : ಕಥೆಯ ಆರಂಭ ಹೇಗೆ ? ಈ ಹಾಳು ಕಥೆಗಳು ಹಳೆಯ ಕಾರುಗಳಂತೆ . ಎರಡಕ್ಕೂ ಸ್ಟಾರ್ಟಿಂಗ್ ಟ್ರಬಲ್ ರೋಗ. ಕೊಂಚ ದೂಡಿದರೆ ಸಾಕು. ಆಮೇಲೆ ತಾನೇ ಓಡುತ್ತದೆ. ಕೊಂಚ ಎಂದರೆ ಎಲ್ಲಿಯವರೆಗೂ ? ಮನೆಯಿಂದ ಆಫೀಸಿನವರೆಗೂ ದೂಡಿದ ಮೇಲೆ ಅದು ಓಡಿದರೇನು ಪ್ರಯೋಜನ ?
ವೈ ಎನ್ಕೆ ಅಂಕಣಗಳಲ್ಲಿ ಇಂತವು ಸುಮಾರಷ್ಟು ಸಿಗುತ್ತವೆ. ಒಬ್ಬರು ಪತ್ರಿಕೆ ಸೇರಲು ಬಂದಾಗ ಹೇಳಿದ್ದು : ಪೇಪರ್ ಗೆ u ಸೇರಿದರೆ pauper ಆಗುತ್ತೆ. ಯಾವ ಯಾವ ಕವನಗಳ ಮೂಲಗಳು ಎಲ್ಲೆಲ್ಲಿ ಇವೆ ಅಂತ ಹುಡುಕುವುದರಲ್ಲಿ ಸುಮತೀಂದ್ರ ನಾಡಿಗರು ಎತ್ತಿದ ಕೈ. ಇದರ ಬಗ್ಗೆ ವೈ ಎನ್ಕೆ ಹೇಳಿದ್ದು : ಕಂಬಾರನಿಗೆ ವರುಷ ನಾಡಿಗನಿಗೆ ನಿಮಿಷ !!
ಎಷ್ಟೋ ಸಲ ಸಿದ್ಧಾಂತಗಳು, ರಾಜಕಾರಣ ಇದನ್ನೆಲ್ಲ ತಮಾಷೆಯಿಂದ ತಿವಿದೇ ಕೆಡವುವವರಿದ್ದಾರೆ. ಟ್ವಿಟ್ಟರಿನಲ್ಲಿ The Lying Lama ಅನ್ನುವ ಪರಿಹಾಸ ಚತುರರು ಎಲ್ಲರನ್ನು ರಂಜಿಸುತ್ತಲೇ ಎದುರಾಳಿಗಳಿಗೆ ಹೆಟ್ಟುತ್ತ ಬಂದಿದ್ದಾರೆ. ಈಚೆಗೆ ನಡೆದ ಒಂದು ಸಂಭಾಷಣೆ:
ಬರ್ಖಾ : ನನ್ನ ಪುಸ್ತಕದ ಸಿಕ್ಕಾಪಟ್ಟೆ ಪ್ರತಿಗಳು ಮಾರಾಟ ಆಗಿವೆ.
ಲಾಮಾ: ಅದರಲ್ಲಿ ನೀವೇ ಖರೀದಿಸಿದ್ದು ಎಷ್ಟು ?
ಬರ್ಖಾ : ಒಂದೇ ಒಂದು ಪ್ರತಿಯೂ ಖರೀದಿಸಿಲ್ಲ, ಏನಿವಾಗ ?
ಲಾಮಾ: ಒಳ್ಳೇ ಕೆಲಸ ಮಾಡಿದಿರಿ, ವಿವೇಕದ ನಿರ್ಧಾರ!
ಬೇರೆಯವರಿಗಾದರೆ ಜೈಲೋ, ಮರಣದಂಡನೆಯೋ ಕೊಡಿಸುತ್ತಿದ್ದ ಮಾತುಗಳನ್ನು ತೆನಾಲಿ ರಾಮನೋ, ಬೀರಬಲ್ಲನೋ ಚತುರಬುದ್ಧಿಯಿಂದ ವ್ಯಂಗ್ಯ ಮಾಡಿ ಹೇಳಿದರೆ ಮಾಫಿ ಮತ್ತು ಒಮ್ಮೊಮ್ಮೆ ಪ್ರಶಂಸೆಯೂ ಸಿಗುತ್ತಿತ್ತು. ಕಮ್ಯುನಿಸ್ಟ್ ದೇಶಗಳಲ್ಲಿ ಪ್ರತಿ ಒಂದಕ್ಕೂ ಇಷ್ಟಿಷ್ಟುದ್ದ ಕ್ಯೂ ಇರುತ್ತಿತ್ತು ಅನ್ನುವುದರ ಬಗ್ಗೆ ಒಂದು ಜೋಕು, ಇದು ಅಲ್ಬೇನಿಯಾದ ಎನ್ವರ್ ಹೋಕ್ಷಾನ ಹೆಸರಲ್ಲಿಯೂ ಇದೆ, ರೊಮೇನಿಯಾದ ಅನಾ ಪಾವ್ಕರ್ ಹೆಸರಲ್ಲಿಯೂ ಇದೆ . ಮೈಲುದ್ದ ಕ್ಯೂವಿನಲ್ಲಿ ನಿಂತು ಕೆಂಡಾಮಂಡಲನಾಗಿ ಒಬ್ಬ ಪಿಸ್ತೂಲು ಹಿಡಿದು ಹೊರಟೇ ಬಿಡುತ್ತಾನೆ, ನಮ್ಮ ದೇಶಕ್ಕೆ ಇಂತಹಾ ಗತಿ ತಂದ ಈ ಕಮ್ಯುನಿಸ್ಟ್ ನಾಯಕಿಯನ್ನು ಶೂಟ್ ಮಾಡಿ ಬರುತ್ತೇನೆ ಅಂತ. ಹತ್ತು ನಿಮಿಷಗಳಲ್ಲಿ ಮನುಷ್ಯ ವಾಪಸ್. "ಏನಾಯ್ತಪ್ಪಾ.... ಮುಗಿಸಿದ್ಯಾ" ಅಂತ ಕೇಳುತ್ತಾರೆ ಜನ. "ಏನು ಮುಗಿಸೋದು ಕರ್ಮ... ಅಲ್ಲಿ ಇದಕ್ಕಿಂತಲೂ ಉದ್ದ ಕ್ಯೂ ಇದೆ -- ಪಿಸ್ತೂಲು ಹಿಡಿದು ನಿಂತವರದ್ದು!".
ಹೀಗೆ ಮೊಗೆದಷ್ಟೂ ಬಗೆ. ಪೆಟ್ಟಿಗೆ ಪ್ರತಿಪೆಟ್ಟು ಕೊಟ್ಟು , ತಮಾಷೆಯಲ್ಲಿಯೇ ಕೋಲ್ಮಿಂಚಿನಂತೆ ಕುಕ್ಕಿ, ಚಿವುಟಿ ಪರಿಣಾಮ ಬೀರುವ ಮಾಡುವ ಚಿಕಿತ್ಸಕ ಗುಣ ಕಿಡಿಮಾತಿನಲ್ಲಿ ಇರುತ್ತದೆ. ನೂರು ವಾಕ್ಯಗಳಲ್ಲಿ ಹೇಳಲಾಗದ್ದನ್ನು ಒಂದು ಸಾಲಿನ ವ್ಯಂಗ್ಯ ನಾಟಿಸಿ, ದಾಟಿಸಿ ಬಿಡುತ್ತದೆ. ರಾಕ್ಷಸ ಗಾತ್ರದ ಲಾರಿಯನ್ನು ನಿಲ್ಲಿಸುವುದಕ್ಕೆ ಪುಟ್ಟ ಬ್ರೇಕು ಸಾಕಾಗುತ್ತದೆ. ಹಾರಾಡುವವರಿಗೆ ಚುರುಕುಬುದ್ಧಿಯವರ ಮೊನಚುಮಾತೇ ಬ್ರೇಕು.

ಬರೆಯುವುದು ಹೇಗೆ ?

ಏನನ್ನೋ ತಡಕಾಡುತ್ತಿದ್ದಾಗ ಸುಮಾರು ಹದಿನಾಲ್ಕು ವರ್ಷಗಳ ಮೊದಲು ಬರೆದಿಟ್ಟ ಬರೆಹಗಳ ಕಟ್ಟು ಕಣ್ಣಿಗೆ ಬಿತ್ತು. ಮುಲ್ಕ್ ರಾಜ್ ಆನಂದರ ಒಂದು ಇಂಗ್ಲಿಷು ಕಥೆ, Letter to god ಅನ್ನುವ ಕಥೆ , ಒಂದೆರಡು ಝೆನ್ ಕಥೆಗಳು ಇವನ್ನೆಲ್ಲ ಆ ಕಾಲದಲ್ಲಿ ಭಾವಾನುವಾದ ಮಾಡಿದ್ದೆ. ಒಂದೆರಡು ಅನುವಾದಗಳು ಪತ್ರಿಕೆಗಳಲ್ಲೂ ಬಂದಿದ್ದವು . ರೀಡರ್ಸ್ ಡೈಜೆಸ್ಟಿನಲ್ಲಿ ಬರುತ್ತಿದ್ದ ಜೋಕುಗಳು, quoteಗಳು ಇವೆಲ್ಲ ಇಷ್ಟವಾಗುತ್ತಿದ್ದವು , ಇದು ಅಂತದ್ದೇ ಒಂದು, ರೀಡರ್ಸ್ ಡೈಜೆಸ್ಟಿನಲ್ಲಿ ಬಂದದ್ದರ ಭಾವಾನುವಾದ, ಬರೆದಿದ್ದೆ ಅಂತ ನನಗೇ ಮರೆತು ಹೋಗಿತ್ತು.
ಒಳ್ಳೆಯ ಬರೆವಣಿಗೆ ಹೇಗಿರುತ್ತದೆ ?
೧. ಶೀರ್ಷಿಕೆಯಲ್ಲೇ ಪ್ರಶ್ನಾರ್ಥಕ ಚಿಹ್ನೆ ಇರುವುದು ಒಳ್ಳೆಯದಲ್ಲ
೨. ಚುಟುಕಾದ ವಾಕ್ಯಗಳು ಬೇಡ.
೩. ಲೇಖಕನು, ಓದುಗನಿಂದ , ಆತನ ಬರೆಹಕ್ಕಾಗಿಯೇ ಹೊಗಳಿಕೆಯ ಅಭಿಪ್ರಾಯವನ್ನು ನಿರೀಕ್ಷಿಸಿದಲ್ಲಿ ಹೆಚ್ಚು ವಿಭಕ್ತಿ ಪ್ರತ್ಯಯಗಳನ್ನು ಬಳಸಬಾರದು .
 ೪. ಲೇಖಕ ಆಯ್ಕೆ ಸ್ವಾತಂತ್ರ್ಯವನ್ನು ಬೆಂಬಲಿಸಲೇಬೇಕು, ಅವನಿಗೆ ಬೇರೆ ದಾರಿಯಿಲ್ಲ.
೫. ಉತ್ಪ್ರೇಕ್ಷೆ , ಅತಿಶಯ ಇವನ್ನೆಲ್ಲ ಜಗತ್ತಿನ ಒಂದು ನರಹುಳುವೂ ಇಷ್ಟ ಪಡಲಾರದು
೬. ನನ್ನ ಪ್ರಕಾರ ಲೇಖಕ ಸ್ವಂತ ಅಭಿಪ್ರಾಯಗಳನ್ನು ಹೇಳದಿರುವುದು ಒಳ್ಳೆಯದು.
೭. To the extent possible, ಏಕ್ದಂ ಆಗಿ ಅನ್ಯಭಾಷೆಯ ವರ್ಡ್ಸ್ use ಮಾಡಬಾರದು
೮. ಇದು ಹೀಗೇ ಎಂದು ಓದುಗನ ಮೇಲೆ ಅಭಿಪ್ರಾಯ ಹೇರುವುದನ್ನು ಖಂಡಿತವಾಗಿಯೂ ನಿಲ್ಲಿಸತಕ್ಕದ್ದು
೯. ತೀರಾ ಉದ್ದನೆಯ ವಾಕ್ಯಗಳನ್ನು ಬಳಸಿದರೆ, ಅದು ಏನೆಂದು ಅರ್ಥವಾಗದೆ, ಅದು ಒಂದು ಬಂಧದ ಚೌಕಟ್ಟಿನೊಳಗೆ ಸ್ವತಂತ್ರ ಅನುಭವಕ್ಕೆ ಸಾಕ್ಷೀಭೂತವಾದೀತಾದರೂ ಒಂದು ಆಶಯವು ಗ್ರಹೀತವಾಗುವುದರ ಹಿಂದಿನ ಅನುಕೂಲಕ್ಕೆ ಪ್ರತಿಬಂಧ ಒಡ್ಡಿ, ಅರ್ಥಸ್ಫೋಟದ ಅನುರಣನ ಉದ್ಭೋದವಾಗದಂತಾಗಿ ಅಹಮಹಮಿಕೆಯ ಅಬಧ್ಧವಾಡಿದಂತೆ ವ್ಯಾಖ್ಯಾನವಾಗಿ ವಿಫಲತೆಯ ಹೊಸ್ತಿಲಲ್ಲಿ ತನ್ನ ಹಳವಂಡದಲ್ಲಿ ತಾನೇ ಹರಳುಗಟ್ಟಿದಂತಾದೀತೆಂದು ಹೇಳುವುದು ತೋರಿಕೆಯ ಮಾತೇ ಆಗಬೇಕಾದ್ದಿಲ್ಲವೆಂಬುದು ಪುರೋಹಿತಶಾಹಿಯ ಸಾಕ್ಷಿಪ್ರಜ್ಞೆಯ ಮಾತೇನಲ್ಲ. ಹಾಗಾಗಿ ಶಬ್ದಾಡಂಬರ ಒಳ್ಳೆಯದಲ್ಲ.
೧೦. ಹೇಳಿದ್ದನ್ನೇ ಮತ್ತೆ ಮತ್ತೆ , ಮತ್ತೆ ಮತ್ತೆ ಹೇಳುವುದರಿಂದ, ಪುನರುಕ್ತಿಯಿಂದ, ಒಂದೇ ವಿಷಯ ಮರುಕಳಿಸುವುದರಿಂದ, ಆಗಾಗ್ಗೆ ಚರ್ವಿತ ಚರ್ವಣ ಮಾಡುವುದರಿಂದ , ಮತ್ತೊಮ್ಮೆ, ಮಗುಳೊಮ್ಮೆ, ಇನ್ನೊಮ್ಮೆ , ಮಗದೊಮ್ಮೆ, ಬರೆದದ್ದನ್ನೇ ಬರೆಯುವುದರಿಂದ ಅಂದರೆ ಪುನಃ ಪುನಃ ಏನು ಮಾಡುವುದರಿಂದ ಅಂತ ಕೇಳಿದರೆ, ಅರ್ಥಾತ್ ಹೇಗೆ ಬರೆಯುವುದರಿಂದ ಕೇಳಿದರೆ ತಿರು ತಿರುಗಿ ಅದನ್ನೇ ಬರೆಯುವುದರಿಂದ ಅದು ಓದುಗರನ್ನು ದಣಿಸಿ, ಬಳಲಿಸಿ , ಸುಸ್ತಾಗಿಸಿ , ಆಯಾಸಪಡಿಸಿ , ಸಾಕಾಗಿಸಿ ಬಿಡುತ್ತದೆ.
೧೧. ಲಘು ಬರಹಗಲ್ಲಿ ಪದೇ ಪದೇ ಇತರರನ್ನು ಕೋಟ್ ಮಾಡಿದರೆ ಬೀಚಿಯವರು ಹೇಳಿದಂತೆ, "ವಿಡಂಬನ ಸಾಹಿತ್ಯ ?" ಯಾರು ಸ್ವಾಮೀ ವಿಡಂಬ ಎಂದರೆ ? ಆತ ಯಾವ ಶತಮಾನದ ಕವಿ ಸ್ವಾಮೀ ಎಂದು ಕೇಳಬೇಕಾದೀತು!
೧೨. ಬೇರೆಯವರ ಸಲಹೆ ಸೂಚನೆಗಳಿಗೆ ಗಮನವೀಯದೆ , ತೋಚಿದ್ದನ್ನು ಗೀಚಿ ತತ್ತ್ವವನ್ನು ಪಾಲಿಸಬೇಕು.
ಇಂಗ್ಲೀಷ್ ಮೂಲ :
How to Write Good
Contractions aren't necessary.
Avoid cliches like the plague
Prepositions are not words to end sentences with.
The passive voice is to be avoided.
Who needs rhetorical questions?
One word sentences? Eliminate.
Subject and verb always has to agree.
Be more or less specific.
Exaggeration is a billion times worse than understatement.

ಕಥೆ ಚಿತ್ರಕಥೆ ಸಂಭಾಷಣೆ - ಜೋಗಿ

ಕತೆ ಚಿತ್ರಕತೆ ಸಂಭಾಷಣೆ' ಪುಸ್ತಕ ಬಿಡುಗಡೆಗೆ ಮೊದಲು ಬರೆದದ್ದು  :
ಎರಡು ಸಂತೋಷದ ವಿಚಾರಗಳು! ಜೋಗಿ ಸರ್ ತುಂಬಾ ಆಸೆಪಟ್ಟು, ಸಂಭ್ರಮದಿಂದ `ಕತೆ ಚಿತ್ರಕತೆ ಸಂಭಾಷಣೆ' ಅನ್ನುವ ಪುಸ್ತಕ ಹೊರತರುತ್ತಿದ್ದಾರೆ. ಹೊಸದಾಗಿ ಚಿತ್ರಮಾಡಲು ಬಂದವರು,ಹೊಸ ಕಥೆಗಳನ್ನು ನೇಯ ಹೊರಟವರು, ಚಿತ್ರಕತೆ ಅನ್ನುವ ಮಾಟಗಾತಿಯ ಹಿಂದೆ ಬಿದ್ದವರು, ಇವರೆಲ್ಲ ಓದಲೇಬೇಕಾದ ಪುಸ್ತಕ ಇದಾಗಲಿದೆ ಅಂತ ನನ್ನ ಒಳ ಮನಸ್ಸು ಹೇಳುತ್ತಿದೆ. ಸುಮ್ಮನೆ ಚಿತ್ರ ನೋಡುವವರು, ಒಂದು ಚಿತ್ರ ಯಾಕೆ ಜನರನ್ನು ತಟ್ಟುತ್ತದೆ , ಒಂದು ಕಥೆ ಹೇಗೆ ಸೃಷ್ಟಿಯಾಗುತ್ತದಪ್ಪಾ ಅಂತ ತಲೆ ಕೆರೆದುಕೊಂಡವರು ಕೂಡ ಇದನ್ನು ಓದಬಹುದು. ಬರೀ ಕನ್ನಡವಷ್ಟೇ ಏಕೆ, ನಮ್ಮ ದೇಶದಲ್ಲೇ ಇಂತದ್ದು ಬಂದ ಹಾಗಿಲ್ಲ. ಸಲೀಂ ಜಾವೇದ್ ಜೋಡಿಯ ಸಲೀಂ ಖಾನ್ ಮತ್ತು ಜಾವೇದ್ ಅಖ್ತರ್ ಬರೆದಷ್ಟೇ ಚಂದದಲ್ಲಿ, witty ಆಗಿ,ಅರ್ಥಪೂರ್ಣವಾಗಿ screenplayಯ ಬಗ್ಗೆ ಮಾತಾಡುತ್ತಾರೆ, ಪ್ರಕಾಶ್ ಝಾ ಜೊತೆಗಿದ್ದ ಅಂಜುಮ್ ರಾಜಾಬಲಿ ಚಿತ್ರಕತೆಯ ಪಾಠ ಮಾಡುತ್ತಾರೆ. ಇದು ಬಿಟ್ಟರೆ ಈ ವಿಷಯದ ಬಗ್ಗೆ ಗುಣಮಟ್ಟದ ಬರೆಹಗಳು ಇಲ್ಲಿ ಅಷ್ಟಾಗಿ ಬಂದಂತಿಲ್ಲ.
ಡಿಸೆಂಬರ್ ಎರಡಕ್ಕೆ ಅಂಗಡಿಗಳಲ್ಲಿ, ಸಾಹಿತ್ಯ ಸಮ್ಮೇಳನದ ಮಳಿಗೆಗಳಲ್ಲಿ ಈ ಪುಸ್ತಕ ಸಿಗಲಿದೆ. ಆಮೇಲೊಂದು ಸ್ವಲ್ಪ ದಿನ ಕಳೆದು ಬಿಡುಗಡೆ ಸಮಾರಂಭ ಇರಬಹುದು. ಮೊದಲ ನೂರೈವತ್ತು ಪುಟಗಳಲ್ಲಿ ಎಂದಿನಂತೆ ಜೋಗಿ ಮಿಂಚಲಿದ್ದಾರೆ. ಆಮೇಲಿನ ಪುಟಗಳಲ್ಲಿ ಯೋಗರಾಜ್ ಭಟ್, ಕಾಸರವಳ್ಳಿ, ಬಿ ಸುರೇಶ , ಸೂರಿ ಅವರಂತ (ಸ್ವಲ್ಪ ಮಟ್ಟಿಗೆ !) ಪೂರ್ವ ಸೂರಿಗಳು, ಗೋಧಿ ಬಣ್ಣದ ಹೇಮಂತ್, ರಕ್ಷಿತ್, ಗಿರಿರಾಜ್, ಪವನ್ ರಂತ ಹೊಸ ತಲೆಮಾರಿನ ಹುಡುಗರು, ಪತ್ರಕರ್ತ ವಿಕಾಸ್ ನೇಗಿಲೋಣಿ ಇವರೆಲ್ಲ ಬರೆಯಲಿದ್ದಾರೆ. ಎರಡನೇ ಸುದ್ದಿ ಏನಪ್ಪಾ ಅಂತ ಕೇಳುವವರಾಗಿ . ಈ ತೆಂಡೂಲ್ಕರ್, ಸೆಹ್ವಾಗ್ , ಲಾರಾದಿಗಳ ಜೊತೆ ನಾನೂ ಯಥಾಶಕ್ತಿ ಬ್ಯಾಟು ಬೀಸಿದ್ದೇನೆ!
ಹೀಗೊಂದು ಪುಸ್ತಕ ಬರುತ್ತಿದೆ, ಇದಕ್ಕೆ ನಿಮ್ಮ ಲೇಖನ ಬರೆದುಕೊಡಿ ಅಂತ ಜೋಗಿ ಸರ್ ಹೇಳಿದಾಗ ಥಟ್ಟನೆ ತಲೆಗೆ ಬಂದದ್ದು ಭರತ ಮುನಿಯ ನಾಟ್ಯಶಾಸ್ತ್ರವನ್ನು ಇಟ್ಟುಕೊಂಡು, ನಮ್ಮ ರಸ ಸಿದ್ಧಾಂತ ಇಟ್ಟುಕೊಂಡು ಏನಾದರೂ ಕೊರೆದರೆ ಹೇಗೆ ಅಂತ. ಹಾಲಿವುಡ್, ವರ್ಲ್ಡ್ ಸಿನೆಮಾದ ಕಡೆಗೆ ಒಂದೆರಡು ಚಚ್ಚಿ ಅಂತ ಜೋಗಿ ಸರ್ ಸೂಚನೆ ಕೊಟ್ಟದ್ದರಿಂದ ಪಶ್ಚಿಮಕ್ಕೆ ಒಂದು ಕಾಲು, ಪೂರ್ವಕ್ಕೆ ಒಂದು ಕಾಲು ಇಟ್ಟುಕೊಂಡೇ ಫೀಲ್ಡಿಗೆ ಇಳಿದೆ. ಅದು ಬೇಡ, ಇದು ಬೇಡ ಅಂತ ಬಹಳಷ್ಟು ಪರಿಕಲ್ಪನೆಗಳನ್ನು ಕತ್ತರಿಸಿ ಎಸೆದ ಮೇಲೂ ಒಂದು ಸುಧೀರ್ಘ ಲೇಖನವೇ ಹಲ್ಲು ಬಿಟ್ಟು ನಗುತ್ತಿತ್ತು!
ಜೋಗಿಯವರ ಪುಸ್ತಕ ಅಂದಮೇಲೆ ಜನ ರುಚಿಕಟ್ಟಾದ ಬರೆವಣಿಗೆಯನ್ನೇ ಕೇಳುತ್ತಾರೆ, ಇದು ಅವರ ಭರವಸೆಯ ಮಟ್ಟಕ್ಕೆ ಬಂತೇ ಅಂತ ತಿಳಿಯಲಿಲ್ಲ. ಕಾರ್ಪೊರೇಟು ಜಗದಲಿದ್ದು ಫೀಡ್ ಬ್ಯಾಕಿಗೆ ಅಂಜಿದೊಡೆಂತಯ್ಯ ಅಂತ ಹಾಡಿಕೊಂಡು ಇಬ್ಬರು ಗೆಳೆಯರ ಅಭಿಪ್ರಾಯ ಕೇಳಿದೆ. ಥಿಯರಿ, ಪ್ರಾಕ್ಟಿಕಲ್ಲು ಎರಡೂ ಇರಲಿ ಅಂದುಕೊಂಡೆ. ಚಿತ್ರರಂಗದ ಒಳ ಹೊರಗು, ವ್ಯವಹಾರ, ವಾಣಿಜ್ಯ ಗೊತ್ತಿರುವ ಒಬ್ಬರಿಗೆ ಮತ್ತು ನನ್ನ ಹಾಗೆ ಘಂಟೆಗಟ್ಟಲೆ ಥಿಯರಿ ಮಾತಾಡುವವರು ಒಬ್ಬರಿಗೆ ಓದಲು ಕೊಟ್ಟೆ. ಬೋರು ಹೊಡೆಸುವುದು ಮಹಾಪಾಪ, ಹಾಗಾಗಿ ಬೋರು ಹೊಡೆಸದೆ ಓದಿಸಿಕೊಂಡು ಹೋಗಬೇಕು, ಹೇಳಿದ್ದು ಅರ್ಥ ಆಗಿರಬೇಕು, ಏನಾದರೂ ಹೊಸತು ಕಲಿಯುವುದಕ್ಕೆ ಸಿಗಬೇಕು. ಇಷ್ಟು ಆಗಿದೆಯೇ ಅಂತ ಕೇಳಿದೆ. ಗೆಳೆಯರು ಮೆಚ್ಚಿ, superb ಅಂದು ಹುರಿದುಂಬಿಸಿದರು. ಕಡೆಗೆ ಧೈರ್ಯ ಮಾಡಿ ಕಳಿಸಿದೆ.
ಇದರಿಂದ ಹೊಸಬರಿಗೆ ಉಪಕಾರವಾದರೆ, ಕನ್ನಡದಲ್ಲಿ ನಾಲ್ಕು ಉತ್ಸಾಹಿ ಬರೆಹಗಾರರು ಹುಟ್ಟಿದರೆ, ಒಂದಷ್ಟು ಗಟ್ಟಿ ಕಥೆಗಳು ಬಂದರೆ, ನಮ್ಮೆಲ್ಲರ ಉತ್ಸಾಹಕ್ಕೂ ಒಂದು ಅರ್ಥ, ಸಾರ್ಥಕ್ಯ ಬರುತ್ತದೆ. ಕೊಂಡು ಓದುವುದಕ್ಕೆ, ಓದಿ ಹೇಗನಿಸಿತು ಅಂತ ಹೇಳುವುದಕ್ಕೆ ನೀವಿದ್ದೀರಲ್ಲ. ಇನ್ನು ನೀವುಂಟು, ಪುಸ್ತಕ ಉಂಟು.

Friday, 2 December 2016

Best of foreign war films

Preparing a movie list after a long time. This time I am going for the foreign war films. There are people who have already watched films like Saving Private Ryan, Enemy at the gates, Full metal jacket, Platoon, A bridge too far, The big red ones and such. If you are one such movie buff and if you are looking for what else is out there, this list is for you.
Tae Guk Gi: The Brotherhood of War (2004): Korean. One of the most intense and bloodiest war movies out there. The war scenes are unflinchingly visceral, gruesome,frenetic and harrowing. That said, at the core of it is an emotional story of brothers that will pull your heartstrings.
Assembly (2007): A Chinese film showing the Chinese civil war. It starts with gritty and riveting battle sequences and goes one step further, it shows what happens once the war is over. It changes gears and becomes a moving tale of honor, heroism, and sacrifice.
The Front Line (2011): It is Set during the closing weeks of the war between South and North Korea, it follows a platoon of soldiers from the south as they try to take an important hill. It starts off as a mystery themed character piece and slowly turns into an intense, unrelenting survival story of brotherhood in the midst of a chaotic battle.
A Very Long Engagement (2004): Take one spoon of Raju Hirani, add two spoons of Terry Gilliam, sprinkle it with surrealism and you get Jean Pierre Jeunet. This French filmmaker is known for his dazzling visual style, whimsical,quirky characters and crazy colour palette. This film is no exception. Set during World War I, it is the story of one girl's search for her missing fiancee. Has war scenes set in the muddy trenches of World War I-era France.
The Tour (2008): A Serbian film about a troupe of goofy actors travelling in the war-torn regions of Bosnia and Serbia(Bosnian war). Part black comedy part horrors of war. That mixing of comedy and tragedy is what makes it interesting.
9th Company (2005): This provides a glimpse into the tragic Soviet occupation of Afghanistan through the eyes of a handful Russian soldiers. It is a bit like Full metal jacket blended with The Platoon set in the unforgiving landscapes of Afghanistan. A rousing combat film filled with action.
Come and See - The destruction of a Russian village seen through the eyes of a peasant boy. It is bizarre, disturbing, and haunting
The Brest Fortress (2010): About desperate Russians trying to protect their place from the invading troops. A good one time watch.
71 into the fire: is a South Korean film about a bunch of students trying to defend a strategically important territory. There is drama,rivalry,tension, a fairly decent battle choreography and all that. Nothing extraordinary, just an interesting watch.
Days of Glory (2006): About the journey of Africans who join the French army to fight against the Nazis. The film is about their struggles with discrimination and stuff. Nothing great but manages to show the world war from a completely different perspective. It is not an out and out action film, but there is action. Climactic battle is well choreographed and executed.
Red Cliff(Released as part 1 and part 2): This Chinese historical war movie is a grand, sweeping spectacle. The tactics, strategies, counter-moves,formations and stuff is what makes it special. It is flashy and breathtakingly massive. This was one of the primary inspirations for Bahubali.
The Admiral - Roaring Currents (2014): This one broke all the box office records in Korea, if you watch it you will know why. This is a period film showing Naval battle. The sea battles are rousing and epic. The scale is huge and magnificent. Drink some water if you have to in advance, you will not blink or get up for the last 30-40 minutes, the climactic battle goes on for 30-40 minutes, it is incredible and epic.
Ran: Akira Kurosawa's take on King Lear set in the 16th century feudal Japan. This must be one of the most visually arresting war films ever made, the battle scenes are colourful and electrifying. The film is grand-scaled, bleak, evocative and magnificent.

Some good films about soldiers/the ones set in the war zones that are not action films,ones that do not show combat/battle:
Black book
No man's land
The Burmese Harp (1956)
Welcome to Dongmakgol (2005)
J.S.A. (2000)
Suggestions are welcome